Unha WebQuest Sobre WebQuests

Versión 3º Ciclo de EP e 1º Ciclo de ESO

por Bernie Dodge
Ed Tech Department, San Diego State University

(Traducido e adaptado do orixinal para lanzadeira.net por Marga Graña e Cristina Castro)

Introducción

Dende principios de 1995, os/as mestres/as de todo o mundo aprenderon como usar ben a rede adoptando o formato de WebQuest para crear unidades orientadas na investigación. Pero, ¿que é exactamente unha webquest? ¿Que se sente ó facer unha? ¿Como recoñeces unha boa cando a ves? Durante 90 minutos, vaste enfrentar a estas preguntas e a máis.

A Tarefa

Para desenvolver boas webquest, necesitas adquirir unha comprensión completa das diferentes posibilidades que se che abren mentras creas unidades baseadas na rede. Un dos xeitos que tes para conseguilo é analizar criticamente unha boa cantidade de exemplos de webquest e debatilos dende múltiples perspectivas. Esta é a túa tarefa neste exercicio.

Ó final desta unidade, ti e o teu grupo contestaredes ás seguintes preguntas:

  1. ¿Que dous exemplos das webquest enumeradas máis adiante son as mellores? ¿Por que?
  2. ¿Que dúas son as peores? ¿Por qué?
  3. ¿Que significa "mellor" e "peor" para vós?

O Proceso

  1. Para empezar, cada participante terá unha copia impresa da folla de traballo. Para contestar ás preguntas dadas anteriormente, formaredes grupos de catro. Dentro do grupo, cada un de vós adoptará un dos seguintes roles:

    O Eficiente: Valoras moito o tempo. Cres que hoxendía se perde moito tempo nas aulas en actividades dispersas e os alumnos/as non saben o que deberían estar facendo en cada momento. Para ti, unha boa webquest é a que che da máis por menos. Se é unha actividade curta e sen pretensións que ensina algo concreto, entón gústache. Se é unha actividade a longo prazo, na túa opinión debería proporcionar un coñecemento en profundidade do tema que trata.

    O Cooperador: Para ti, as mellores actividades para aprender son aquelas nas que os estudiantes aprenden a traballar xuntos. As webquest que obrigan á colaboración e crean unha necesidade de debate e consenso son as mellores dende o teu punto de vista. Se unha webquest pode ser feita por un alumno/a traballando so/a, déixate impasible.

    O Perfeccionista: Un nivel elevado de razoamento é o máis importante para ti. Nas escolas hoxendía faise demasiado énfase na memorización de contidos. A única xustificación para levar a tecnoloxía á escola é se proporciona a posibilidade de que os alumnos/as teñan que analizar información, resumir diferentes puntos de vista e tomar unha postura fundada sobre algo. Tamén valoras sitios que permiten ó alumno/a expresarse de forma creativa.

    O Tecnófilo: Encántache o rollo de Internet. Para ti a mellor webquest é a que fai o mellor uso da tecnoloxía da Rede. Se unha webquest ten cores atractivas, animacións e moitos enlaces con sitios interesantes, encántache. Se fai un uso mínimo da Rede, prefires usar unha ficha escrita.


  2. Individualmente, examina cada un dos sitios que aparecen a continuación e usa a folla de traballo para tomar notas das túas opinións de cada unha dende a perspectiva do teu rol. Necesitas examinar cada sitio bastante rápido. Non pares máis de 7 minutos en nengún. O teu monitor cronometrará usando este reloxio.



      Tempo usado ata agora:

    Aquí están os sitios que ides analizar:

    Civil War Journal Crea un diario simulado
    Landfill Controversy ¿Deberíase aceptar a basura dos estados veciños?
    Ancient Egypt Explora diversos aspectos do período
    Creative Encounters Deseña un novo sistema de numeración
    Poetry and the Planets Crea poemas utilizando imaxes planetarias

  3. Cando todos no grupo viron tódolos sitios é hora de xuntarse para responder ás preguntas. Un dos xeitos é que cada membro vote as dúas mellores e as dúas peores dende a súa perspectiva. Presta atención a cada unha das outras opinións, mesmo se ó principio pensas que podes estar en desacordo con elas.

  4. Probablemente non haberá un acordo unánime, polo tanto o seguinte paso sería debater entre todos para acadar un consenso sobre as nominacións de mellor e peor webquest no teu equipo. Facede unha posta en común e mirade se podedes poñervos de acordo no que é mellor para o alumno/a.

  5. Unha persoa  debería recoller as opinións en cada grupo.

  6. Cando chega a hora da exposición, comunica os vosos resultados ó resto da clase. ¿Cres que os outros grupos estarán de acordo coas vosas conclusións?

Conclusión

O ideal é que este exercicio vos proporcione un banco de ideas maior co que traballar mentras desenvolvedes as vosas habilidades para facer webquest. A mellor webquest ainda está por facer. ¡Pode ser a vosa!


Última actualización 24 de Setembro de 2002