Estas condicións van marcar un aumento das condicións da seca en febreiro–marzo, mentres que as condicións máis húmidas se ven favorecidas nos meses de xullo e agosto.
Os índices meteorolóxicos analizados de perigo de incendios forestais evidencian claramente unha tendencia cara a un significativo empeoramento das condicións de inicio e de propagación do lume en Galicia nos últimos decenios. Podemos dicir, polo tanto, que ademais doutras utilidades as variacións nestes índices tamén reflicten o cambio climático en Galicia. Do estudo dos incendios nos últimos 40 anos conclúese o agravamento da situación de perigo en marzo e xuño, ademais dun incremento constante na típica época estival de maior risco (de xullo a setembro). Xa que logo, advírtese unha expansión e unha temporada de incendios que se iniciará máis cedo.
